Студирање социјална работа во Австралија
Образованието за социјални работници е наменето за оние кои сакаат да им помогнат на поединците, семејствата и заедниците во решавањето на своите лични и социјални проблеми.
Студиите за социјална работа се фокусираат на разбирање и анализирање на околностите во кои луѓето се соочуваат со разни проблеми, како и изнаоѓање релевантни стратегии што ќе помогнат во подобрување и надминување на овие околности. Затоа, улогата на социјалниот работник е многу важна во работата со дисфункционални семејства, со хронични пациенти, со сиромашно население, со домородни заедници, мигранти и слично, но и во областа на одмор и рекреација, како и во развивање на чувство за заедница.
Според тоа, овие студии се поврзани со различни сродни научни дисциплини, кои овозможуваат избор на различни специјализации кои водат кон разновидна кариера - во областа на семејството, грижата за децата и младите, здравствената заштита, медијацијата, психијатриската или правната помош и слично.
Стручни програми (VET студии)
Австралискиот образовен систем не нуди стручни програми и квалификации за социјална работа затоа што е ова универзитетска област на студирање, меѓутоа постојат одредени стручни програми сродни на оваа област како што се: Mental Health, Community Services, Counselling, Community Sector Management и др.
Овие студиски програми се нудат на државните TAFE институти и на приватните колеџи.
Условите за упис се завршено средно училиште и положен IELTS тест со оценка 5,5. Школарините за овие програми се движат од 6,500АУД на годишно ниво.
Основни студии
Основни студии за социјална работа се нудат на голем број универзитети низ цела Австралија. Студиите можат да се запишат по завршувањето на средното образование, и обично траат 4 години, но, под одредени услови, дури и по две години посетување на сродни дисциплини во рамките на стручните студии (VET студии) и во овој случај траат 2 години.
<pОвие студии опфаќаат широко поле на практични вештини и теоретски знаења, најчесто во комбинација со сродни научни полиња, како што се психологија, социјални науки, здравство и право. Квалитетот на образованието е исто така загарантиран благодарение на Australian Social Work Education and Accreditation Standards (ASWEAS), кој ги поставува принципите и критериумите за акредитација на професионалните програми.
Покрај завршувањето на средното образование (или завршувањето на стручен програм во траење од две години), услов за упис на студии за социјална работа е положен IELTS тест. Школарината се движи од 20,000АУД годишно.
Мастер студии
Австралиските универзитети нудат различни дисциплини кои што можат да се изучуваат во областа на социјалната работа на ниво на мастер студии. Овие студии се наменети за студенти кои дипломирале на оваа или сродна научна дисциплина и сакаат да ги подобрат своите знаења и вештини. Некои од областите кои што можете да ги изучувате на ова ниво на студии се: Social Work, Social Policy, Social Planning.
Мастер студиите во оваа област обично се coursework и траат една или две години. Услови за упис се завршени основни студии и положен IELTS тест, а школарините се движат од 20,000АУД на годишно ниво.
Докторски студии
Иако бројот на постдипломски студии од оваа област не е толку голем и доминираат практични програми, сепак се нудат и докторски програми фокусирани на истражувачки проекти. При изборот на адекватната програма, треба да се изврши сеопфатен преглед на институции и ментори, особено ако вашите интереси се поврзани за одредени и специфични прашања од областа на социјалната работа.
Докторските студии траат најмалку три години, а условите за упис се завршени мастер студии, положен IELTS тест, како и одобрена тема за истражување и ментор. Школарината се движи од 25.000АУД годишно.
Курс по англиски јазик
Доколку не ја добиете потребната оценка на IELTS тестот, без разлика која студиска програма или образовно ниво сакате да го запишете, можете да запишете пакет студии, бидејќи образовните институции ви нудат можност да запишете курс по англиски јазик пред главните студии како би можеле да ја надополните оценката на IELTS тестот.
Бројот на недели на курсот по англиски јазик зависи од оценката на IELTS тестот и колку ви недостасува до потребната оценка за упис, а обично за секој пола поен што ви недостасува, образовната институција ви дава 10 недели курс по англиски јазик.
