Докторски студии
Моќта на австралиското истражување се базира на единствената историја, географија и инфраструктура на оваа земјата. Како студент на истражувачките студии во Австралија ќе имате можност да проучувате материјали и објекти, кои едноставно не се достапни ниедно друго место во светот. На пример, морските биолози имаат шанса да прават истражувања на Големиот корален гребен, еколозите имаат можност да работат на проучување на извонредниот биодиверзитет на Австралија, историјата на Австралија и нејзините луѓе, исто така, обезбедува уникатна можност за студенти од хуманистичките науки, додека големиот број на фестивали и културни настани во оваа земја представуваат голема инспирација за работа во креативните уметности.
Истажувачките студии можат да се запишат на два нивоа во Австралија, на ниво на мастер студии (Mastera by Research )како и на ниво на докторски студии. Доктроските студии се највисок степен на образование кое што можете да го стекнете во Австралија.
Истражувачките програми се базираат на британскиот модел на истражувачки програми. Процесот на упис на Master by Research и доктроски студии се разликува од уписот на останатите студии, бидејќи за овие студии е потребно за почеток да се најде ментор и да се одобри предлог темата на истражување, за да може подоцна да се започне уписот на студиите.
Овие студии обично траат три години.
Академска година
Бидејќи повеќето студенти немаат предавања, не постои формален почеток настудиите за овие програми. Почетниот датум на студиите се договара со менторот.
Школарина
Школарините за меѓународните студенти се движат од 20,000AUD до 37,000AUD. Школарините се плаќаат семестрално. Имајте на ум дека австралиските универзитети нудат најмногу стипендии за истражувачките програми. Постојат целосни и делумни стипендии кои варираат од универзитет до универзитет. Најдобро е да добиете подетални информации на универзитетските веб-страници за стипендиите што ги доделуваат.
Temporary Graduate виза по студирањето
Ако сте завршиле Master by Research можете да аплицирате за Temporary Graduate виза под post-study visa стримот и да добиете можност да работите полно работно време во Австралија на период од три години и на овој начин да стекнете австралиско работно искуство. За завршени доктроски студии оваа виза се издава на период од четири години.
