Стручни програми

Стручните студии во Австралија, познати како Vocational studies или скратено VET програми, се дизајнирани да развиваат практични и професионални вештини со кои што студентите ќе можат полесно да најдат работа и да напредуваат во кариерата. Работодавците ги ценат стручните програми бидејќи се фокусирани на развој на неопходните вештини потребни на современиот пазар на труд.

VET програми можете да запишете на државните TAFE колеџи како и на приватните колеџи. Исто така, постојат и универзитети кои што ги нудат овие програми.

Стручните програми може да бидат погодни и доколку подоцна сакате да стекнете високо образование и да завршите основни студии во Австралија.

По степенот на образование стручните програми доаѓаат по завршувањето на средното училиште, а пред основните студии, така што се најслични на високите школи кои постојат во нашиот регион.

Нивоа на стручни програми

Постојат три нивоа на студии кај стручните програми:

• Sertifikat I-IV
• Diploma
• Advanced diploma

Времетраењето на овие програми е од шест месеци до две години.

Почеток на студиите

Државните колеџи обично имаат два почетна рока и наставата почнува во февруари и јули секоја година. Приватните колеџи имаат четири или повеќе почетни рокови, а наставата може да започне во февруари, април, јули и октомври.

Школарина

Школарините за стручните програми се движат од 6,000AUD до 17,000AUD годишно. Обично приватните колеџи се поевтини во споредба со државните TAFE колеџи. Школарината може да се плати на рати и обично плаќањето е семестрално, но приватните колеџи даваат пофлексибилен план за плаќање и плаќањето може да биде квартално или дури и на месечно ниво.

Услови за упис

За упис на стручен програм доволно е да имате завршено средно училиште и положено некој од меѓународно признатите тестови по англиски јазик (IELTS, TOEFL, CAE). За IELTS тестот обично е потребна просечна оценка од 5.5 и ниеден дел да не биде под 5, но ова во голема мера зависи о од областа на студиите.

VET програмите како пат кон високото образование

VET програмите можат да им обезбедат на студентите пат кон секторот на високо образование. Освен што им помагаат на студентите да ги исполнат условите за упис, програмите за стручно образование можат да обезбедат и кредити на основните студии. На пример, студентите кои ќе завршат Advanced Diploma програм можат да добијат кредити и да им бидат признати два или три семестра на основните студии во сродни области. Точниот износ на одобрените предмети зависи од институцијата, нивото и квалификацијата на стручното образование.